نئی دہلی، 4 ستمبر(ایس او نیوز ؍آئی این ایس انڈیا)ریو اولمپکس کے تمغے فاتح پی وی سندھو اور ساکشی ملک کے علاوہ اولمپین دیپا کرماکر وزیر اعظم نریندر مودی کی پہل سوچھ بھارت ابھیان کو لے کر بیداری پیدا کرنے کے لئے نئے چہرے ہو سکتے ہیں۔پینے کے پانی اور حفظان صحت سیکرٹری پرمیشورن ایئر نے بتایا کہ ہم اولمپک میڈلسٹ پی وی سندھو اور ساکشی ملک کے علاوہ جمناسٹ دیپا کرماکر کو سوچھ بھارت ابھیان سے منسلک کرنے کے متمنی ہیں۔ان کی کامیابی میں حفظان صحت کے کردار کی کہانی سے مشن کو فائدہ مل سکتا ہے۔انہوں نے کہا کہ اسٹار کھلاڑی بہت سی خواتین کی حوصلہ افزائی کر سکتی ہیں خاص طور دیہی علاقوں میں۔انہوں نے کہاکہ ان اولمپئن کو شامل کرنے کے لئے ہم وزارت کھیل سے رابطہ کریں گے۔